„Ekki leikur veröldin eins við alla“ : starfendarannsókn kennaranema um kennslu hugarfar vaxtar í vettvangsnámi

Sálfræðiprófessorinn Carol Dweck hefur rannsakað hugarfar nemenda í námi og út frá þeim rannsóknum hefur hún sett fram kenningar um mismunandi tegundir hugarfars nemenda. Hún telur að skipta megi hugarfari í annars vegar fastmótað hugarfar og hins vegar vaxandi hugarfar. Fjöldamargir fræðimenn hafa rýnt í kenningar Dweck og notað þær sem viðmið í sínar eigin rannsóknir sem viðkoma hugarfari. Það getur reynst kennurum erfitt að hafa áhrif á viðhorf nemenda ef þeir hafa lítinn innri hvata. Svo það sé hægt þurfa kennarar að átta sig á að þeir geta veitt þeim fræðslu og verkfæri um hugarfar en nemendurnir sjálfir eru þeir einu sem geta breytt því. Lokaverkefnið mitt var starfendarannsókn þar sem ég vildi athuga í tveggja vikna vettvangsnáminu mínu hvaða áhrif hugarfar vaxtar hafði á mig sem kennaranema og hópinn sem ég var að kenna. Ég skrifaði í rannsóknardagbók, ígrundaði með leiðsagnarkennara og lagði fyrir könnun handa nemendahópnum. Helstu niðurstöður voru að erfitt getur verið að meta hvort breyting eigi sér stað á hugarfari nemenda á aðeins tveimur vikum. Þeir sýndu þó kennslunni áhuga, unnu verkefnin vel og áttum við góð samtöl um námið og mikilvægi hugarfars. Ég átti sjálfur erfitt til að byrja með að tileinka mér hugarfar vaxtar en þegar líða fór á vettvangsnámið og með stuðningi leiðsagnarkennarans tók ég hindrunum frekar sem tækifæri til að vaxa og dafna í starfi en ekki sem ástæðu til uppgjafar